Washington, D.C./Превоз

This page is a translated version of a page Washington, D.C./Transportation and the translation is 100% complete.

---

Општи информации      Историја      Топографија и клима      Превоз      Знаменитости      Култура и спорт      Туристички атракции      Каде да јадете      Каде на пијачка      Телекомуникации

До Вашингтон Вашингтон е поволно место за одржување на меѓународна конференција и има разни можности за превоз. Авиосообраќај: Вашингтонскиот национален аеродром „Роналд Реган“ е сместен во Арлингтон, од спротивната страна на реката Потомак што минува низ Вашингтон. Поврзан е со метро. На аеродромот сообраќаат летови до 77 града преку целото деноноќие. Вашингтонскиот меѓународен аеродром „Далес“ има летови без престан до 79 домашни и 43 странски градови. Поврзан е со експресни автобуси кои водат до градското метро. Metrobus 5A до Рослин и Washington Flyer Coach експресно до метро-станицата „Вест Фолс Черч“. Валтиморско-вашингтонскиот меѓународен аеродром „Тургуд Маршал“ (BWI) е сместен на помалку од еден час растојание од градот. На него сообраќаат 65 домашни и 5 меѓународни авиолинии. Поврзан е со автобуската линија B30 Metrobus која води до метро-станицата „Гринбелт“. Покрај тоа, железничките превозници „Amtrak“ и „MARC“ (MARC сообраќа само во работни денови) го поврзува аеродромот со станицата „Јунион“ во Вашингтон. Карта на мрежата на Amtrak Железница: Amtrak поаѓа од станицата „Јунион“, која ја опслужуваат линиите Acela Express, Capitol Limited, Cardinal, Carolinian, Crescent, Northeast Regional, Palmetto, Silver Meteor, Silver Star и Vermonter. На регионално ниво, до Вашингтон се стигнува со превозниците MARC и Virginia Railway Express. Автобуси: Помеѓу Вашингтон и Њујорк непрестајно сообраќаат разни автобуски линии опремени со безжичен интернет. Превозниците Bolt Bus и DC2NY собираат и оставаат патници близу железничката станица „Јунион“, а DC2NY исто така собира и остава патници од кружниот тек Дјупонт Серкл. Tripper Bus и Vamoose собираат и оставаат патници од Бетезда и Рослин, кои се наоѓаат недалеку од градот. Патишта: Вашингтон е и сообраќаен центар на државната магистрална мрежа, што значи дека е лесно и за оние што ќе патуваат со автомобил. Обиколницата Интерстејт 495 оди околу градот, а патот Интерстејт 95 го поврзува Вашингтон со градовите во североисточниот коридор и југоистокот на САД. На 5 часа возење од Вашингтон се следниве градови: Балтимор (1 ч), Ричмонд (2 ч), Филаделфија (3 ч), Питсбург (4,5 ч), Њујорк (4,5 ч) и Роли (4,5 ч). Во градот Метро-станиците Вашингтон се препознатливи по нивните високи сводови. Вашингтонското метро: Лесен и прилично ефтин начин да стигнете до центарот на Вашингтон. Цените се движат од $1,60 до $5, зависно од времето во денот и растојанието. Metrobus: Автобуска мрежа со многу разни станици во градот. Билетите зависат од линијата, $1,75 во готово и малку поефтино ако користите картичка „SmarTrip“. Експресните билети до аеродром чинат $6. DC Circulator ја опслужува населбата Џорџтаун и оди до центарот. DC Circulator: Автобус што поврзува разни популарни населби. Цената изнесува $1. Capital Bikeshare: Систем на јавни градски велосипеди во Вашингтон и Арлингтон. Еден ден чини $5, а пет дена чинат $15. Цените зависат од тоа за колку долго изнајмувате. Такси има насекаде и користат таксиметри. Почетна цена е $3 за првата 1/6 милја, а потоа $0,25 за секоја следна 1/6 милја. Максималниот износ е $19. Броевите на диспечерските служби се (202) 387-6200 и (202) 829-4222. (пресметувач на возења) Печашењето исто така е добар начин да се стаса на многу места, бидејќи Вашингтон е многу погоден за пешаци. References